واحة الأرواح
مرحبا بكم في واحة الأرواح
واحة الأرواح
مرحبا بكم في واحة الأرواح
واحة الأرواح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

واحة الأرواح

أحمد الهاشمي
 
الرئيسيةالبوابةأحدث الصورالتسجيلدخولeahmea@yahoo.com

 

 طريقة عمل التورتات بمختلف أنواعها بالحشو والتزيين وشح بالصور(ملف شامل)

اذهب الى الأسفل 
2 مشترك
كاتب الموضوعرسالة
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:03

ملف تعليمى لعمل التورتات بمختلف الحشوات وطرق التزيين بالصور :


-بدايه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير
انا استغربت لما لقيت البعض بيضيف لبن او عصير
الكيكه الاسفنجيه مختلفه عن الكيك العادى



2-جميع المقادير المستخدمه بيض او طحين لازم لازم تكون بدرجه حراره الغرفه
يعنى انا دائما بحفظ الدقيق فى التلاجه ولكن قبل ما اعمل الكيكه الاسفنجيه بنص ساعه بخرج البيض والدقيق واوعى تنسى المعلومه دى لانها مهمه جدا حتلاقى قطرات ماء تجمعت على البيض بعد النص ساعه كده تقدرى تستخدمى البيض


3-لو عاوزه الكيك بنكهه البرتقال ضيفى برش برتقاله على البيض بدل الفانيليا وليس عصير البرتقال ولو عاوزه بطعم الفراوله ضيفى روح الفراوله ولكن روح الفواكهه تضاف بعد اضافه الطحين لكن برش البرتقال بيكون مع البيض كبديل للفانيليا


4-الدقيق والنشا والبيكنج باودر اللى حكتبلكم مقاديرهم تحطوهم مع بعض وضرورى جدا جدا تنخلوا الخليط مرتين يعنى حطى البيكنج باودر والنشا على الدقيق وانخليهم سوا ومهم اوى مرتين


5-مهم اوى ان المقادير تكفى صينيه لان لو الخليط اكبر من نص الصينيه يبقى الكيكه حترتفع وتهبط من النص وحتبقى معجنه


6- مهم اوى الفرن يتسخن اثناء تحضيرك للكيك ودرجه الحراره لازم تكون متوسطه لانها لو عاليه او منخفضه حتبقى مشكله والكيكه تبوظ اهم حاجه اظبطى الفرن على درجه 180 واغلقى الفرن لحد ما تنتهى من عمل الخليط
اخواتى معلش انا طولت عليكم بس لازم لازم احكى معاكم بالظبط كل فتفوته لعمل الكيك
واخيرا اللى بيخلى الكيكه مكتومه حاجتين مالهومش تالت الاولى انك مضربتيش البيض المده المحدده ليه وهى ربع ساعه يكون المضرب شغال بدون انقطاع على اعلى سرعه والثانيه انك مضفتيش الدقيق معلقه معلقه ممكن تكونى ضفتيه مره واحده او كميه كبيره كل مره وده بيخلى الكيكه طالعه زى الخبز مكتومه


الان المقادير المظبوطه
طبعا احنا خرجنا البيض والطحين قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق اكيد انتوا فاهمين العمليه دى
المقادير دى انا معرفش حتناسبك ولا لا بس عموما وانتى بتصبى الخليط فى الصينيه بتاعتك وطبعا انا معرفش مقاسها يبقى عموما اى خليط لازم يوصل لمنتصف الصينيه لو لقيتى لسه عندك خليط ممكن تحطيه فى صينيه تانيه اهم حاجه للكيك سواء عادى او اسفنجى ان الخليط ميزدش عن نصف الصينيه لانه حيرتفع
المقادير
الكوب المستخدم للدقيق لازم يكون هو هو اللى حتقيسى بيه السكر والنشا
6 بيضات بدرجه حراره الغرفه
كوب الاربع دقيق
كوب الا ربع سكر ناعم مهم يكون حبيباته ناعمه
ربع كوب نشا
ملعقه كبيره بس ممسوحه بيكنج باودر
ملعقه كبيره ممسوحه فانيليا
ربع كوب كاكاو غير محلى
لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير


سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه دى حتخلى الهوا اللى نفخ البيض يخرج تانى ومش حتبقى هشه ابدا
باستخدام معلقه خشبيه ضيفى ملعقه دقيق واحده وقلبى ببطء جدا جدا جدا جدا جدا فى اتجاه واحد اوعى تغيرى الاتجاه او تقلبيها من تحت لفوق وافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد لازم يفضل الخليط مرتفع لحد ما تخلص ممكن هنا تضيفى روح الفاكهه لو عوزاها بالفراوله او الاناناس بعد ما تخلصى صبى الخليط بشويش وايضا بمنتى البطء فى الصينيه ودخليها الفرن
واياك اياك اياك اياك تفتحى عليها قبل 40 دقيقه بعد اربعين دقيقه اختبريها بعود خشبى لو نضجت طفى النار و اوعى تخرجيها من الفرن خليها جواه لانها لو خرجت وهى سخنه حتتعرض لهواء بارد حتبوظ سبيها فى الفرن بعد ما تقفلي الحراره نص ساعه تقريبا وبعدين خرجيها ان شاء الله لو اتبعتى كل معلومه وطريقه انا كتباها حتلاقى احلى كيكه اسفنجيه عملتيها وكل ما تنجح معاكى افتكرينى
وتانى يوم اعمليها بالكريمه وزينيها ولو مستعجله وعوزاها فى نفس اليوم حطيها فى التلاجه 3 ساعات مثلا بس اوعى تحطيها فى التلاجه بعد ما تطلع من الفرن مباشره يارب اكون افادتكم

ملحوظه بخصوص الدريم ويب(الكريم شانتيه )
التورته تحتاج ربع كيلو للتغليف والتزيين او بما يعادل 6 اظرف هناك نوعان نوع بودره يأتى على هيئه علبه كل علبه فيها ظرف او ظرفان والنوع التانى على شكل كريمه الطبخ بالنسبه للباودر لمن تستخدم باودر بالكيلو مثلا يبقى كل كوب كريمه باودر معها فنجان الا ربع لبن مثلج ونخفق ولو عاوزاها بالشيكولاته ضيفى كاكاو وزودى اللبن بسيط اما فى حاله الأظرف الجاهزه نصيحه منى لا تتبعى التعليمات المكتوبه على ظهر الظرف لان الكريمه حتبقى سائله نصيحتى لك هى لكل ظرفان باودر ضعى فنجان الا ربع فقط لبن مثلج وملعقه كبيره ممتلئه من النشا (الكورن فلاور )وحتحصلى على احلى كريمه متماسكه وضعيها فى التلاجه فتره حوالى نص ساعه قبل البدء بالتغليف والتزيين اما كريمه الطبخ المخصصه ايضا للحلويات اتبعى نفس ماهو مكتوب عالعلبه بالظبط لا تقلقى
الان ما قراتموه هو اساسيات عمل الكيكه الاسفنجيه ولكن
ولكن
ولكن
انا شخصيا احب اضافه الزيت او الزبده لعمل اى كيكه ودى راجعه للذوق الشخصى وغالبا تورتاتى تتنوع مابين كيك اسفنجى وكيك عادى ونا شايفه ان الكيك العادى مناسب كمرحله اولى تقدرى تتعلمى الاول ازاى تعملى تورته وبعدها تنتقلى للكيكه الاسفنجيه ومقادير الكيك العادى لمن تريد هى كوب ونصف دقيق منخول مضاف له ملعقه ونصف صغيره بيكنج باودر _ كوب الا ربع سكر عادى _ نصف كوب زيت او زبد _نصف كوب زبادى _3 بيضات حجم كبير او اربعه صغير_فانيليا لو اردتى عملها بالشيكولاته انقصى ثلث كوب دقيق وضعى بدلا منه كاكاو باودر غير محلى والان مع طريقه عمل الكيكه الاسفنجيه بالصور كتطبيق لما ذكرته سابقا
هنا الطحين والكاكاو والنشا والبيكنج باودر


[size=16][ندعوك للتسجيل في المنتدى أو التعريف بنفسك لمعاينة هذه الصورة]



نقوم بنخلهم كما ذكر سابقا
[ندعوك للتسجيل في المنتدى أو التعريف بنفسك لمعاينة هذه الصورة]


ونتركهم جانبا نقوم بضرب البيض والفانيلا حوالى دقيقتان وبعدها قومى بأضافه السكر



[ندعوك للتسجيل في المنتدى أو التعريف بنفسك لمعاينة هذه الصورة]


نقوم بالخفق لمده ربع ساعه على اعلى سرعه الى ان يتحول الخليط للشكل الكريمى ويكون أضعاف حجم البيض


[ندعوك للتسجيل في المنتدى أو التعريف بنفسك لمعاينة هذه الصورة]


بعد ذلك نقوم باضافه الطحين المنخول ومعه البيكنج باودر والكاكاو ملعقه ملعقه ونقلب كما ذكرت فوق


[ندعوك للتسجيل في المنتدى أو التعريف بنفسك لمعاينة هذه الصورة]


والان الخليط اصبح جاهز ونصبه فى الصينيه
[ندعوك للتسجيل في المنتدى أو التعريف بنفسك لمعاينة هذه الصورة]


ونتبع طريقه الخبز والتى شرحتها سابقا وهاهى شكل الكيكه بسم الله ماشاء الله دى بالشيكولاته
[ندعوك للتسجيل في المنتدى أو التعريف بنفسك لمعاينة هذه الصورة]


وواحده أخرى بيضاء بالفانيليا


[ندعوك للتسجيل في المنتدى أو التعريف بنفسك لمعاينة هذه الصورة]


هذا هو اساس عملها ننتقل الان الى المراحل الأخرى الا وهى الحشو والتزيين الان سيكون معنا كيكه فكيف نقطعها؟؟؟؟؟؟؟؟
انا افضل تقطيعها بالخيط بدلا من السكين طبعا بعد مابردت تماما
ونقطعها هكذا نلف الخيط حول الكيكه ونوسطه جيدا ويكون هكذا


[ندعوك للتسجيل في المنتدى أو التعريف بنفسك لمعاينة هذه الصورة]


ثم نقوم بوضع الخيط على شكل حرف xهكذا


[ندعوك للتسجيل في المنتدى أو التعريف بنفسك لمعاينة هذه الصورة]


ونمسك الطرف الايمن بيدنا اليسرى وطرف الخيط الايسر بيدنا اليمنى يعنى العكس ونشد الخيط ونفضل ماسكينه بقبضه ايدنا ونشد


[ندعوك للتسجيل في المنتدى أو التعريف بنفسك لمعاينة هذه الصورة]


سنجدها بتقطع ومظبوطه ان شاء الله مائه بالمائه وهنا الحشو انا استخدمت كما فى الصورهدريم ويب باودر وفواكهه وشيكولاته مبشوره




يتتتتتتتتتتبع

[/size]
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:04

[ندعوك للتسجيل في المنتدى أو التعريف بنفسك لمعاينة هذه الصورة]


وطبعا الصور شارحه نفسها وضعت ملعقتين من سائل الفواكه على الكيكه المقسومه نصفان لتطريتها واضفت جزء من الكريمه وفوقها الفواكهه


[ندعوك للتسجيل في المنتدى أو التعريف بنفسك لمعاينة هذه الصورة]


اضفت النصف الاخر وغلفت التورته بالكريمه وبدأت ازينها


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة] اتمنى من الله ان يكون الشرح السابق كاف ووافىعرفنا طريقه عمل الكيكه فمش محتاجين شرحها تانى

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ونا بفضل بعد تغليف التورته اضعها فى التلاجه عشر دقائق تتماسك وارجع ازين تانى
وهنا وضعت فى جوانب التورته شيكولاته فارمسيل حبيبات وممكن تستبدليها بجوز هند او اى مكسرات مفرومه

[ندعوك للتسجيل في المنتدى أو التعريف بنفسك لمعاينة هذه الصورة]

نبدأ بوضع الكريمه فى كيس التزيين ونزين هكذا

[ندعوك للتسجيل في المنتدى أو التعريف بنفسك لمعاينة هذه الصورة]

ونضيف الفواكهه

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]

طبعا كملت الاماكن الفارغه بالكريمه واضفت قطع من الكريز الاحمر

وده شكلها ماشاء الله عاليه ومرتفعه

[ندعوك للتسجيل في المنتدى أو التعريف بنفسك لمعاينة هذه الصورة]

وهنا بعد التقطيع
[ندعوك للتسجيل في المنتدى أو التعريف بنفسك لمعاينة هذه الصورة]


يتتتتتتتتبع
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:06

نأتى لتورته اخرى على شكل مربع


الحشو كريمه الجبنه


مقادير الحشو
كوب كريمه باودر
كوب الا ربع لبن مثلج
ملعقه سكر بودره كبيره
حوالى اربع ملاعق جبنه فلادلفيا وممكن استبدالها باربع قطع كيرى نضرب مقادير الحشو بالمضرب الكهربائى الى ان تتجانس ويمكن اضافه ملعقه لبن لو حبيتى تكون سائله الى حد ما ويمكنك اضافه ملعقتان كاكاو باودر لو عاوزه الحشو بالشيكولاته


هنا سويت الكيكه لأنها مربعه من عند الاطراف


[ندعوك للتسجيل في المنتدى أو التعريف بنفسك لمعاينة هذه الصورة]


وقسمتها نصفان وشربت القسم السفلى بعصير او ممكن مربى مخففه بماء


[ندعوك للتسجيل في المنتدى أو التعريف بنفسك لمعاينة هذه الصورة]


وزعت الكريمه


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


غلفت الجوانب بجوز هند مبشور ومكسرات


هناك ملحوظه مهمه
ممكن سطح الكيكه معاكى ميكونش مغلف بالكريمه بشكل منسق ومتقن فلا تقلقى الفواكه اللى حتحطيها فوق لن تظهره ومع الوقت ستحترفى التنسيق ان شاء الله


[ندعوك للتسجيل في المنتدى أو التعريف بنفسك لمعاينة هذه الصورة]


وبدأت فى التزيين


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


وده الشكل النهائى يارب تعجبكن
[ندعوك للتسجيل في المنتدى أو التعريف بنفسك لمعاينة هذه الصورة]

يتتتتتتتتتبع
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:07

وهذه تورته اخرى
الحشو


كريمه الشيكولاته البيضاء
مقادير الحشوه
عشر قطع جبنه كيرى وومكن استبدالها بعلبه فلادلفيا
ربع كوب لبن
كوب الا ربع شيكولاته بيضاء مبشوره
(للاخوات اللى فى مصر اكيد عارفين محل درب البرابره او محل العتبه اللى بيتباع فيهم الحلويات الخام والشيكولاته وكل شئ لعمل التورتات والحلويات)
الطريقه يسخن اللبن ويضاف اليه الشيكولاته المبشوره
ونتركها تسيح وتبرد تماما تماما وبواسطه المضرب الكهربائى نضرب كل المكونات السابقه جميعا ونضعها فى التلاجه ربع ساعه قبل التغليف والتزيين اسفه صور طريقه الحشو اتمسحت بس اعتقد الطريقه واضحه وسهله


طبعا عملت الكيكه وقسمتها وحشيتها مثل الطرق السابقه وغلفتها كمان وده التزيين


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


ووضعت فى الجوانب شيكولاته فارمسيل وكريمه هكذا


[ندعوك للتسجيل في المنتدى أو التعريف بنفسك لمعاينة هذه الصورة]



نأتى لتورته اخرى وحشوات مختلفه ان شاء الله والان نأتى لتورته اغلبنا بيحبها والتورته دى انا بعتبرها أهم تورته فى ملفى ليه بقى
لأنها اسهل تورته ممكن تتعمل انا انصح كل مبتدئه فى عمل التورتات انها تعملها وحتشوفوا بنفسكم ازاى سهله وازاى روعه
تورته بحشوه الأيس كريم

زى ماقلت التورته دى تنفع المبتدئات وكمان تنفع لو عندك كيك بايت او عملتى كيكه وباظت منك فى الفرن مرتفعتش او هبطت او او اى سبب لفشلها
انا كان عندى كيكه باظت منى فى الفرن وده طبعا شئ وارد انه يحصل وده شكل الكيكه

[ندعوك للتسجيل في المنتدى أو التعريف بنفسك لمعاينة هذه الصورة]

واضح جدا انها مش مظبوطه فطبعا مرمتهاش عملت بيها ايه؟؟؟؟؟؟؟؟؟؟؟؟؟؟؟؟
اولا جبت نفس الصينيه اللى غملت فيها الكيكه
وبطنتها بالبلاستيك الشفاف ووضعت فيها حلقات اناناس
[ندعوك للتسجيل في المنتدى أو التعريف بنفسك لمعاينة هذه الصورة]

وجهزت ايس كريم ثلاث اكواب كبيره انا استخدمته بالفانيليا وتركته يسيح الا حد ما يعنى خرجته من التلاجه نصف ساعه تقريبا قبل العمل علشان يبقى سهل معايا ووضعت جزء منه على الاناناس هكذا

[ندعوك للتسجيل في المنتدى أو التعريف بنفسك لمعاينة هذه الصورة]

وبعدها وضعت فواكهه


[ندعوك للتسجيل في المنتدى أو التعريف بنفسك لمعاينة هذه الصورة]


طبعا نوع الايس كريم او الحشوه متروك ليكى اختى الكريمه

ثم وضعت جزء من الكيكه قطعتها بنفس الطريقه اللى ذكرتها قبل كده
وشوفو كانت مفتته بس عادى لانها ستجمد مع الايس كريم
[ندعوك للتسجيل في المنتدى أو التعريف بنفسك لمعاينة هذه الصورة]

وبعدين وضعت ايس كريم مره اخرى وفواكه وهكذا
[ندعوك للتسجيل في المنتدى أو التعريف بنفسك لمعاينة هذه الصورة]

وطبقه اخرى كيك وهكذا ثم نغلق البلاستيك الشفاف عليها ونتركها بهذا الشكل فى التلاجه اربع ساعات مثلا

[ندعوك للتسجيل في المنتدى أو التعريف بنفسك لمعاينة هذه الصورة]


وبعد ذلك نضع طبق التقديم فوقها ونقلبها وبعدين نشيل الصينيه وننزع البلاستيك عنها معلش صوره الخطوه دى اتمسحت منى عموما ده شكلها

[ندعوك للتسجيل في المنتدى أو التعريف بنفسك لمعاينة هذه الصورة]

لو تلاحظوا انا عملت ايه وضعت عالجوانب فارمسيل لزقت الى حد ما ووضعت داخل كل قطعه اناناس قطعه كريز وومكن تضعى فراوله وزينت بالفارمسيل ايضا وده شكلها من فوق

[ندعوك للتسجيل في المنتدى أو التعريف بنفسك لمعاينة هذه الصورة]

ودى قطعه منها
[ندعوك للتسجيل في المنتدى أو التعريف بنفسك لمعاينة هذه الصورة]

قد ايه سهله وبسيطه وومكن تعمليها باى شكل انتى عوزاه وممكن تستبدلى الايس كريم بالكريم شانتيه او اى نوع كريمه
هنا انا غيرت شويه فى شكلها

وضعت فى النص فراوله واتبعت نفس الخطوات السابقه بالظبط

[ندعوك للتسجيل في المنتدى أو التعريف بنفسك لمعاينة هذه الصورة]



وده شكلها بعد ماقلبتها

[ندعوك للتسجيل في المنتدى أو التعريف بنفسك لمعاينة هذه الصورة]



نأتى الان لتورته اخرى بحشوه مختلفه وهى
يتتتتتتتتتبع
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:08

تورته بحشوه كريمه الزبده بالشيكولاته



كريمه الزبده كريمه لذيذه وبتدخل فى كتير من التورتات كحشو وتزيين طبعا هى دسمه الى حد ما بس انا بحبها جدا جدا طبعا نجهز كيكه شيكولاته زى ما عملناها فى اول الملف


انا حبيت اعمل تزيين مختلف للتورته من اختراعى وطلع رائع عملت ايه جبت شيكولاته خام مبشوره حوالى كوب ونص ووضعتها فى قدر استانلس وبعدين وضعتها فى طاسه بيها ميه وسيحتها على حمام مائى هكذا


[ندعوك للتسجيل في المنتدى أو التعريف بنفسك لمعاينة هذه الصورة]


وبعدين جبت ورق الزبده ووضعت عليه الشيكولاته


[ندعوك للتسجيل في المنتدى أو التعريف بنفسك لمعاينة هذه الصورة]


ووزعتها بملعقه فرشتها عالورقه هكذا


[ندعوك للتسجيل في المنتدى أو التعريف بنفسك لمعاينة هذه الصورة]


وتركتها حوالى خمس دقائق فى الرف تحت الفريزر تتماسك فقط ولكن لا تجمد حتى يسهل تقطيعها هكذا انا استخدمت شكل النجمه طبعا ننزعها بخفه وبشويش حتى لا تتكسر لانها حتكون لا زالت لينه



[ندعوك للتسجيل في المنتدى أو التعريف بنفسك لمعاينة هذه الصورة]


وبعدين نتركها تكمل تجميد فى التلاجه


[ندعوك للتسجيل في المنتدى أو التعريف بنفسك لمعاينة هذه الصورة]


ونأتى لعمل الحشوه
مقاديرها


ثلثين كوب سكر بودره منخول تلت مرات
كوب زبده لينه وليست سايحه
ربع كوب لبن لتليينها
فانيليا
2 ملعقه كاكاو باودر كبيره
وممكن تبقى بدون كاكاو على حسب الذوق


نخفق الزبده الى ان تتحول للشكل الكريمه


[ندعوك للتسجيل في المنتدى أو التعريف بنفسك لمعاينة هذه الصورة]


نضيف السكر البودره على مرتين ونخفق ثم نضيف الفانيليا والكاكاو واللبن ونخفق جيدا الى ان يتحول الخليط للشكل الكريمى المتماسك


[ندعوك للتسجيل في المنتدى أو التعريف بنفسك لمعاينة هذه الصورة]


نتركها فى التلاجه ربع ساعه تتماسك وبعدين نقسم الكيكه ونضع جزء من الكريمه ونا اضفت حبوب الشيكولاته فيها هكذا


[ندعوك للتسجيل في المنتدى أو التعريف بنفسك لمعاينة هذه الصورة]



نغلق الكيكه والجزء المتبقى من كريمه الزبده نضيف عليه كوب كريمه مخفوقه مسبقا ونقلبهم معا ونغلف الكيكه ونبدا بتزين الجوانب هكذا


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


نسيت اقولكم ان بعد ما الشيكولاته النجوم بردت عملت نقط عليها من الشيكولاته البيضاء وتركتها تجمد ايضا وبدأت فى وضعها فوق التورته هكذا


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


بس بعد كده حسيت انى لو وضعت عليها شيكولاته حبيبات حتبقى افضل فرجعتها المطبخ تانى ووزعت عليها الشيكولاته هكذا ايه رأيكن مش كده احلى


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


يتتتتتتتتتتتتتتتتتتتتتتتتبع
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:09

ناتى الان لنوع اخر وتزيين اخر الا وهى

تورته الفراوله بالكريم باتسيير والجناش

بدايه الجناش هو
نوع من الكريمه عباره عن شيكولاته وكريمه خفق وزبده و تحضر وتستخدم بطريقه الصب على التورته او نتركها فتره تجمد فى التلاجه ونضعها فى كيس التزيين ونزين بها
مقادير الجناش
انا استخدمت شيكولاته بيضاء ولونتها
المقادير
كوب ونص شيكولاته مبشوره بيضاء
كوب كريمه لبانى(كريمه الخفق للحلويات)
ملعقه زبده
ملون طعام احمر او اى لون تفضليه
الطريقه نغلى كوب الكريمه ونرفعه من عالنار ونضيف عليه الشيكولاته المبشوره ونتركها تسيح وبعدها نضيف الزبده ونترك الخليط يبرد تماما ولكن لا يتجمد يكون على شكل سائل وبعدها نضيف ملون الطعام نقطه نقطه الى ان نصل للون المطلوب ونتركها جانبا
طريقه كريمه الباتسيير
مقاديرها ثابته انما طريقتها تختلف كلا حسب طريقته وهذه هى اسهل طريقه له
والمقادير هى
كوب وربع لبن
بيضه كامله
صفار بيضتان
ربع كوب سكر بودره
ملعقه كبيره دقيق
ملعقه كبيره نشا
فانيليا
انا وضعت كل المقادير معا فى الخلاط وبعدها وضعتها عالنار مع التقليب المستمر المستمر المستمر مثل المهلبيه الى ان يتكاثف الخليط بعد عشر دقائق تقريبا وننزله من عالنار ونتركه يبرد ونضيف عليه ملعقتان من روح الفراوله وهذا شكله

[ندعوك للتسجيل في المنتدى أو التعريف بنفسك لمعاينة هذه الصورة]

نتركه جانبا هو والجناش
ونأتى للتزيين انا استخدمت شيكولاته بيضا وسيحتها فى حمام مائى وقسمتها نصفين نصف تركته ابيض وفردته وعملت نفس الطريقه فى التورته السابقه وقطعته بقطاعه هكذا

[ندعوك للتسجيل في المنتدى أو التعريف بنفسك لمعاينة هذه الصورة]




والنصف الاخر لونته بلون احمر بنفس درجه الجناش ايضا

[ندعوك للتسجيل في المنتدى أو التعريف بنفسك لمعاينة هذه الصورة]

وفردته ايضا وقطعته بنفس الشكل السابق
الجزء الاحمر نقط عليه شيكولاته بيضا والابيض نقط عليه شيكولاته حمرا اسفه الصوره اتمسحت
نأتى للكيكه
قسمتها نصفين ووضعت الكريم باتسيير

[ندعوك للتسجيل في المنتدى أو التعريف بنفسك لمعاينة هذه الصورة]




وقطع من الفراوله هكذا

[ندعوك للتسجيل في المنتدى أو التعريف بنفسك لمعاينة هذه الصورة]

وقفلت الكيكه وغلفتها وراعيت ان يكون سطحها املس ومتساو ووضعتها على شبك سلك لانى حصب عليها الجناش ونضع تحتها صينيه او طبق بلاستيكى

[ندعوك للتسجيل في المنتدى أو التعريف بنفسك لمعاينة هذه الصورة]


واحضرت ورق بلاستيك ووضعته على منتصف الكيكه هكذا حتى يكون الجناش على نصف منها فقط هكذا

[ندعوك للتسجيل في المنتدى أو التعريف بنفسك لمعاينة هذه الصورة]

ونبدأ بصب الجناش

[ندعوك للتسجيل في المنتدى أو التعريف بنفسك لمعاينة هذه الصورة]

ونتركه على السلك يصفى وندخله التلاجه يتماسك وهنا بعد ان تماسك

[ندعوك للتسجيل في المنتدى أو التعريف بنفسك لمعاينة هذه الصورة]

ونبدا بالتزيين بالوردات اللى عملناها هكذا

[ندعوك للتسجيل في المنتدى أو التعريف بنفسك لمعاينة هذه الصورة]

وهذا شكلها النهائى بعد التزيين


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]

يتتتتتتتتتتتتتتتتتتتتتتتتبع
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:10

تورته بالفواكهه وكريمه البارفان

كريمه البارفان كريمه رائعه جدا ونا بحب استخدمها كحشوه وهى سهله جدا جدا جدا وشبيهه بالموس الفرق بينهم انها بتكون بالجيلاتين انما الموس حتشوفوه فى التورته القادمه
مقادير كريمه البارفان
كوب ونصف كريم باتسيير محضر (طبعا عرفنا طريقته سابقا)
ظرفان دريم ويب او ثلث كوب
ملعقتان جيلاتين بدون نكهه مذوبان فى ربع كوب ماء ساخن ونتركه يدفأ
ثلاث ملاعق لبن مثلج
فانيليا
ملعقه روح اللوز ويمكن استبداله بروح الفواكهه اى طعم تفضليه
الطريقه نخفق الدريم ويب مع اللبن خفق بسيط ونضيف كوب الكريم باتيسير المعد سابقا ونخفق الى ان يتماسك الخليط ويصبح بقوام الكريمه
نضيف الفانيليا وروح اللوز والجيلاتين ونخفق مره اخرى ونتركه فى الثلاجه ربع ساعه قبل الاستخدام
انا استخدمت كيكه مربعه
قسمتها نصفان ووضعت كريمه البارفان ومعها فواكهه


[ندعوك للتسجيل في المنتدى أو التعريف بنفسك لمعاينة هذه الصورة]

ووضعت النصف الاخر من الكيكه واغلقتها وغلفتها بالكريمه


[ندعوك للتسجيل في المنتدى أو التعريف بنفسك لمعاينة هذه الصورة]

ونبدأ فى التزيين هكذا

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]

وده شكلها النهائى اتمنى يعجبكن التزيين والحشو


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:12

ناتى الان لعمل تورته


بحشوه موس الاناناس


تورته جميله وبسيطه وتنفع للبنوتات الصغيرين زى بنوتى نور كده
طريقه تحضير الموس
كوب ونصف كريم باتسيير محضر مسبقا
كوب ونصف كريمه مخفوقه محضره مسبقا
ربع كوب جيلى اناناس باودر
قطع صغيره من الاناناس
ملعقه مربى اناناس (يمكن الاستغناء عنها باضافه روح الاناناس)
ملعقتان ماء ساخن
الطريقه
نذوب جيلى الأناناس فى ملعقتان الماء ونتركه يدفأ
نضع الكريم باتسيير مع الكريمه المخفوقه مسبقا ومعهم قطع الاناناس الصغيره والمربى
نضيف عليهم الجيلى المذوب


[ندعوك للتسجيل في المنتدى أو التعريف بنفسك لمعاينة هذه الصورة]


ونقلب ونتركهم فى الثلاجه حوالى نصف ساعه قبل الاستخدام
انا كنت مجهزه قبلها بيوم كيكه ووضعتها فى قالب على هذا الشكل لانى كنت عوزاها مدوره


[ندعوك للتسجيل في المنتدى أو التعريف بنفسك لمعاينة هذه الصورة]


بعد ماتبرد الكيكه تماما نقطعها شرائح هكذا


[ندعوك للتسجيل في المنتدى أو التعريف بنفسك لمعاينة هذه الصورة]


ونحضر قالب انا استخدمت قالب العجانه غلفته ببلاستيك لاصق كما فعلت فى تورته الايس كريم سابقا
ونضع شريحه من الكيك


[ندعوك للتسجيل في المنتدى أو التعريف بنفسك لمعاينة هذه الصورة]


وجزء من الموس وهكذا شريحه كيك وموس بالتناوب الى ان تكون اخر طبقه عباره عن كيك ونغلق عليها بالبلاستيك هكذا


[ندعوك للتسجيل في المنتدى أو التعريف بنفسك لمعاينة هذه الصورة]


وندخلها الثلاجه من اربع الى 6 ساعات او ممكن تتركيها ليله كامله حتى تتماسك تماما


نقلبها على طبق وبه ورق شفاف وننزع عنها البلاستيك


[ندعوك للتسجيل في المنتدى أو التعريف بنفسك لمعاينة هذه الصورة]



نأتى بعروسه صغيره ونخلع ملابسها وارجلها الاثنان ونرفع شعرها ونغرسها فى قلب الكيكه هكذا



[ندعوك للتسجيل في المنتدى أو التعريف بنفسك لمعاينة هذه الصورة]



ونحضر كريم شانتيه انا قسمته نصفين نصف تركته ابيض والاخر لونته لون وردى ونبدا بالتزيين


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


وهنا نزلت ايدها وفكيت شعرها


[ندعوك للتسجيل في المنتدى أو التعريف بنفسك لمعاينة هذه الصورة]



واضفت فراوله مقطعه نصفان


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
يتتتتتتتتتبع
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأربعاء 28 أبريل 2010 - 23:13

قطع الجاتوه

انا عملت كيكتان مربعتان وقطعت كل واحده نصفين فأصبح عندى اربعه اقسام


[ندعوك للتسجيل في المنتدى أو التعريف بنفسك لمعاينة هذه الصورة]

نأخذ اول جزء ونضع عليه الكريمه انا استخدمت دريم ويب

[ندعوك للتسجيل في المنتدى أو التعريف بنفسك لمعاينة هذه الصورة]


ووزعت الكريمه هكذا

[ندعوك للتسجيل في المنتدى أو التعريف بنفسك لمعاينة هذه الصورة]


ووضعت تانى شريحه من الكيك وفوقها كريمه هكذا الى ان انتهيت من وضع الاربع طبقات


[ندعوك للتسجيل في المنتدى أو التعريف بنفسك لمعاينة هذه الصورة]

وبعدها سويت السطح جيدا جدا جدا

[ندعوك للتسجيل في المنتدى أو التعريف بنفسك لمعاينة هذه الصورة]

وبعده قمت بتقطيع الاطراف من كل اتجاه بحوالى اتنين سم حتى تكون الاطراف متساويه هكذا

[ندعوك للتسجيل في المنتدى أو التعريف بنفسك لمعاينة هذه الصورة]

ثم نقوم بتقطيع الكيك بسكين ويكون بجانبنا طبق به ماء ساخن نقطع ونضع السكين فيه ونكمل تقطيع مره اخر وذلك حتى لا تلتصق الكريمه فى السكين

[ندعوك للتسجيل في المنتدى أو التعريف بنفسك لمعاينة هذه الصورة]

نقوم بتزيين كل قطعه على حسب الذوق الشخصى انا وضعت شيكولاته مبشوره وقطع اناناس وده اختيارى طبعا


[ندعوك للتسجيل في المنتدى أو التعريف بنفسك لمعاينة هذه الصورة]

وصوره اقرب للقطع

[ندعوك للتسجيل في المنتدى أو التعريف بنفسك لمعاينة هذه الصورة]

والجزء اللى قطعته علشان اساوى حروف الكيكه لم ارميه بل فتته ووضعته فى كؤوس ووضعت عليه كريمه وشيكولاته مبشوره هكذا

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
همسات الروح
الأعضاء
الأعضاء
همسات الروح


عدد المساهمات : 1392
نقاط : 1674
السٌّمعَة : 2
تاريخ التسجيل : 10/04/2010
العمر : 41

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالجمعة 30 أبريل 2010 - 22:45

احمد الهاشمي


طرق سهلة جداً

لكن مين بدو يتوصى فينا ويعمل النا تورته منهم



[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
أحمد الهاشمي
مدير عام
مدير عام
أحمد الهاشمي


عدد المساهمات : 10896
نقاط : 13569
السٌّمعَة : 7
تاريخ التسجيل : 03/04/2010

طريقة عمل التورتات بمختلف أنواعها بالحشو والتزيين وشح بالصور(ملف شامل) Empty
مُساهمةموضوع: رد: طريقة عمل التورتات بمختلف أنواعها بالحشو والتزيين وشح بالصور(ملف شامل)   طريقة عمل التورتات بمختلف أنواعها بالحشو والتزيين وشح بالصور(ملف شامل) Icon_minitimeالأحد 27 يونيو 2010 - 3:30

اشكرك همسات الروح

مرور طيب

لك خالص ودي

وتحياتي وتقدير
الرجوع الى أعلى الصفحة اذهب الى الأسفل
 
طريقة عمل التورتات بمختلف أنواعها بالحشو والتزيين وشح بالصور(ملف شامل)
الرجوع الى أعلى الصفحة 
صفحة 1 من اصل 1
 مواضيع مماثلة
-
» ملف شامل للعصائر بالصور..
» فن الخيااطــــــه ملف شامل بالصور
» طريقة عمل جميع أنواع الميلك شيك 0 0 بالصور
» ملف شامل عن الإسعافات الأولية بالصور و الفيديو
» طريقة عمل ورد البطاطس بالصور

صلاحيات هذا المنتدى:لاتستطيع الرد على المواضيع في هذا المنتدى
واحة الأرواح  :: قسم الأسرة :: واحة المطبخ وجديد الطبخ-
انتقل الى: