اه منك يا مصر ولا اه ليكي (محمد الطاهر الهاشمي)

ااااه منك يا مصر ولا اه ليكي ...مبقتش عارف أعيش فيكي ...طب أزعل منك ولا عليكي... أزعل منك علشان سيبتيهم يدخلوكي ....ولا أزعل عليكي علشان خلاص حكموكي... أزعل من الناس اللي كرهوكي ....ولا أزعل من اللي خربوكي.... ولا افرح باللي يعمروكي.... ولا أزعل عاللي نسييكوي ....طب أفرح باللي رفعوكي ...ولا أزعل من اللي حطوكي. ،، لا أنا عاوز أبعد عنك.. ولا قادر أقعد فيكي.. بوروا أرضك وبوظوكي وقال إيه بيجملوكي... خربوا تعليمك وبوظو عيالك ....وقال ايه بيحدثوكي ....كسروا شوارعك ودمروا رصيفك وقال إيه بيجددوكي..... وقعوا حيطانك وفجروا بيوتك وقال إيه بيدشنوكي.... كرهوا عيالك فيكي وبيقولولهم أمكم ؛ وهما بيقتلوكي.. دمرونا وشحتونا وعاوزين يموتونا ....بس احنا برضه قاعدين فيكي.... طب نسيبك ليهم ولا نمسك فيكي ،... طب أفرحلك وأغنيلك ...ولا أمشي واشتم فيكي.... طب انتي لينا ولا ليهم ؟ طب احنا ليهم ولا ليكي ؟ بس في الآخر ومن الآخر احنا منك واحنا ليكي واحنا اللي هنغيرك ونجددك ونعمرك ونعلى بيكي ،.....دوختيني يا مصر معاكي مبقتش عارف أقول اه منك يا مصر ولا اه ليكي ...

محمد الطاهر الهاشمي

الله عليك يااشاعر

ايه الجمال ده ياشيخ محمد

تسلم الايادي

والله عندك حق

حاوله راقيه بشعر العامية الوطني

تحياتي والورد لك

سيدنا أحمد الهاشمي
شكراً على الرد الجميل
وسلمت أياديكم أنتم مُعَلِّمُنَا

وجزاكم الله خيراً ....

ماشاء الله يا مولانا الله ينور

» الحب والقلب ( محمد الطاهر الهاشمي )
» إلى روح والدي وشيخي محمد الطاهر الهاشمي بذكراه
» محمد الطاهر الهاشمي ينير سماء الواحة..رحبواااا
» محمود الطاهر الهاشمي إبن أخي ينيرسماء الواحة.مرحبااااا
» دعوة متأخرة لتهنئة محمود الطاهر الهاشمي بعيد ميلاده