قمر الزمان كبار الشخصياتvip
عدد المساهمات : 1443 نقاط : 1805 السٌّمعَة : 0 تاريخ التسجيل : 11/04/2010 العمر : 54
| موضوع: الشاعر الكبير عبدالرحمن الأبنودى يكتب : مواويل وتناتيش الثلاثاء 27 أبريل 2010 - 18:16 | |
| المواويل أنا باشكر اللى خلق لى الصوت وأوصانى أقول كلام حُرّ.. مايقبلْش لون تانى مااسكتش ع الضِّيم واهشّ الغيم بقولة «آه» وإن سرقوا صوتى.. بينسوا ياخدوا قولة «آه» فى الفرْح فى الجرح إيه حيلتى إلاّ قولِة «آه» يحميك يا ولدى وكنت اسكت وتتكلم يحميك يا ولدى واكون مجروح وتتألم ياما حرسْت النهار.. آدى النهار.. ضلِّم وإن شفت جرح الوطن جوّه الفؤاد علم تقول كلام.. ياسلام.. يحيينى من تانى!! ■ ■ ■ أنا كان لى ورْدات عجب.. كبّرتها بايدى أسقيها بالدمع بالدم اللى فى وريدى جانى غشيم القدم وداس على ورودى أخدم جناينى فى بستانى يا ناس إزاى؟ وإن نمت ناسى باقوم فاكر يا ناس إزاى؟ مين مرّر الشاى فى شفايفى وبكى الناى؟ ياليل يابو الهمّ.. تحتك دم.. ما تحاسب وقوللّى إمتى يا ليل.. وفين حنتحاسب؟ إزاى بلادى تبات ليلة مع الغاصب وإزاى يدوس وردها.. واقولّه: «ياسيدى؟! ■ ■ ■ مدّ الأمل سِكِّتُه.. وقالِّنا: «سيروا نصيبكو حيصيبكوا تمشوا والاَّ حتطيروا عيشوا النهارده الزمن.. بكره زمن غيره آدى أول السكة صوت الضحكة بيلالى والشمس أمشيلها ألاقيها اللى ما شيالى ولا حدّ يقدر يعكّر قلبنا الخالى لكن ومين بكرة يعرف إحنا فين فيها؟ هيه حتدينا والا احنا حندّيها؟ وإيه نصيبنا من الأيام ولياليها؟ غاب الزمن فى الزمن.. واحنا بِلا عزوة ولا نملك الا نماشى السكة ونسيروا»!! ■ ■ ■ ويا مصْر وان خيّرونى ما اسكن الاَّكى ولاجْل تتبِّسمى.. يا ما بابات باكى تسقينى كاس المرار.. وبرضُه باهواكى بلدى ومالى الّا إنتى ولو ظلمتينى.. مقبولة منِّك جراح قلبى وْدموع عينى الجرح يشْفَى إذا بإيدك لمستينى.. كلّك حلاوَة.. وكلمة «مصر».. أحلاكى!! ■ ■ ■ | |
|
قمرالواحة كبار الشخصياتvip
عدد المساهمات : 9221 نقاط : 12107 السٌّمعَة : 4 تاريخ التسجيل : 14/04/2010 العمر : 52
| |
أحمد الهاشمي مدير عام
عدد المساهمات : 10896 نقاط : 13569 السٌّمعَة : 7 تاريخ التسجيل : 03/04/2010
| موضوع: رد: الشاعر الكبير عبدالرحمن الأبنودى يكتب : مواويل وتناتيش الأربعاء 28 أبريل 2010 - 6:05 | |
| | |
|
همسات الروح الأعضاء
عدد المساهمات : 1392 نقاط : 1674 السٌّمعَة : 2 تاريخ التسجيل : 10/04/2010 العمر : 41
| موضوع: رد: الشاعر الكبير عبدالرحمن الأبنودى يكتب : مواويل وتناتيش الأربعاء 28 أبريل 2010 - 9:07 | |
| قمر الزمان
كل الشكر والعرفان نزفه اليكِ
على هذه الكلمات الاكثرمن رائعه
لشاعرنا عبد الرحمن الأبنودى
التي لها صدى رنان
| |
|