خدمه العملاء فى المستقبل

الموظف : نشكركم على اتصالكم * ببيتزا هَت، تحت أمرك

الزبون: ممكن أطلب؟

الموظف : ممكن تديني رقم الكردت كارد لو سمحت؟

الزبون: .... لحظة وحدة .. 6984554610

الموظف :حضرتك الأستاذ خالد و بتتصل من العنوان شارع الراحلة نانسي عجرم بمنطقة التجمع الواحد وتسعين ورقم تليفون بيتك 02119632147

الزبون : والله شي ظريف !.. ازاي عرفت كل المعلومات دي؟

أوكي .. عايز بيتزا سي فوود من فضلك

الموظف : ما أنصحش حضرتك

الزبون : ليه

الموظف: من بطاقتك الصحية قدامي انت عندك ارتفاع في ضغط الدم وارتفاع في الكوليسترول

الزبون : آه آه !!!.. ممم.. طيب بتنصحني بإيه؟

الموظف: بنصحك ببيتزا المشروم خفيفة الدسم و هتعجبك جدا

الزبون: وليه بقى واثق إنها هتعجبني !!!

الموظف : لأنك اشتريت الاسبوع الي فات كتاب من معرض الكتاب مؤخرا اسمه: ألذ المأكولات المشروم..

الزبون : ايوه ايوه.. أوكي .. طيب هات واحدة.... حجم عائلي،

الموظف: أعتقد إنك لازم تطلب وحدة تانية ... لإن العيلة عندك 6 أفراد.

الزبون : اوكي

الموظف : بس المجموع كدة700 جنيه وعندك مشكلة للأسف الشديد مش هتقدر تسدد بالفيزا لأنك مديون للبنك بمبلغ 37220.55 جنيه من أكتوبر الي فات غير القرض الي اخدته من البنك للشقة الجديدة

الزبون: طيب هسحب من المكنة القريبة من بيتي على ما توصل البيتزا

الموظف: كمان للأسف...مش هتقدر ..لأنه وفقاً للبيانات قدامي انت سحبت الحد الأقصى المسموح انهاردة

الزبون: ايييييه أه والله، طيب ابعت اللد وانا هديله كاش

الموظف: حوالي 45 دقيقة ولو مش عاوز تستنى ممكن تيجي بعربيتك الكيا البيضا الجديدة

الزبون: بتقول ايه؟؟؟؟؟

الموظف : وفقاً للبيانات الموجودة قدامي ، انت اشتريت عربية كيا جيب بيضا ، رقم اللوحة : جدو 5
الزبون : انت موظف سافل.. و وقـح.. و هبهدلك.. الـ

الموظف: عفوا يا أستاذ ...انتبه لكلامك وما تنساش أن عندك قضية بسبب أنك شتمت ضابط مرور بألفاظ نابية بتاريخ 15 أغسطس

الزبون: ...........؟

الموظف: أي خدمة تانية يا أستاذ ؟

الزبون: لا لا سلامتك بس ما تنساش البيبسي كولا المجانية.

الموظف : آسف مش هقدر أبعت لحضرتك البيبسي المجانية ...لان عادة بنقدمها للزبائن الي معندهمش سكر ... وواضح عندي انك مريض سكر

الزبون: ، قومي ياهانم اعملي حاجة ناكلها

هههههههههههههههه

ياخرااااااااابي

الموضوع ده فكرني باختك سنوو

لما عملت موضوع الناس سنه الفين وخمسين فاكر

وقمر ردت عليها رد كان اجمل من الموضوع نفسه

ههههههههههههههههه

فعلا لوهتبقى الحياة كده

خلاص نبقى كاننا مكشوفين للناس

هههههههههههههههههه

وكل واحد تفاصيل حياته معلومه للجميع

شكرا ابو كريم

موضوع لذيذ

تحياتي

هههههههههههههههههههههههههههههه

دا موظف ساقع ساقع اخر اخر حاجه

انا لو مكان الراجل كنت مديت ايدى فى الموبايل

وضربته على وشه

ههههههههههههههههههههه خيال بخيال بقى

اشكرك استاذى طارق للطرح الجميل

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه

موظف و لآ الموساد الإسرائيلي

فهموني بقى حاسة نفسي بغرفة استجواب

مشكورة قمر الزمان

بارك الله فيك

لك مني أجمل تحية

» طيور المستقبل
» صور لسياره المستقبل بدون دركسون
» هل قلقت على المستقبل ؟ لا تفوتك هذه القصة
» خدمه جديده تطلقها yahoo لاصحاب المواقع - Yahoo Website Owners
» يقي الأم من الإصابة بمرض السكرالرضاعة الطبيعية تحمي الطفل من البدانة في المستقبل