علينا أن نبدأ فى دعم مصر الغالية فورا

وصلتنى هذه الرسالة وأرجو أن تلقى صدى طيبا لديكم

علينا أن نبدأ فى دعم مصر الغالية فورا


ألف مبروك

الآن نبدأ مرحلة جديدة

نحب فيها بلادنا ونخاف عليها

نتقبل فيها الرأي الآخر بلا تخوين

نفكر ونعمل من أجل النهوض



أمامنا عمل كثير وهناك الكثير الذي يمكننا إنجازه كشعب

أول هذه الأشياء النهوض بالبورصة وعندي اقتراح أروج له هنا ويلقي استحسانا



فليذهب كل واحد منا ويشتري سهما أو اثنين أو عشرة

لن يكون الهدف هو الربح (وليس في هذا عيب)

ولكن هدفنا الأساسي هو مقاومة عملية البيع المحمومة التي ستبدأ غدا

فلنبدأ ثورة أخري ننهض فيها باقتصاد بلادنا

------------------------


من النهاردة دي بلدك انت،

ماترميش زبالة،

ماتكسرش إشارة،

ماتدفعش رشوة،

ماتزوّرش ورقة،

اشتكي أي جهة تقصّر في شغلها،

اشتغل بضمير ،

ما تشتمش ،

ما تكذبش ،

ما تظلمش،

عاتب بأدب،

إختلف بأخلاق ،

إحترم الكبير،

ارحم الضعيف ،

ما تعاكس البنات في الشارع،

ما تعليش الكاسيت علشان ما يضايقش غيرك،

اتعلم تقول من فضلك، لو سمحت، متشكر، أسف علي الخطأ لاي حد مهما كان،

لما تشوف حاجه غلط حاول تصلحها بشكل حضاري،

ما تضايقش جيرانك،

ما تقولش ابدا "و انا مالي" .. لانه كله مالك دلوقتي،

عامل الفراش و الكناس و الزبال و الشغاله بكل ادب و احترام،

و ماتنساش تقول شكرا و من فضلك ، و ما تنساش انهم شايلين عنك كتير،

إبتسم في وش عسكري المرور و ناوله زجاجه مياه لو تقدر،

ساعد عجوز لعبور الشارع، وسع للكبير و المريض و العاجز،

حب لغيرك ما تحبه لنفسك،

حافظ علي ممتلكات غيرك زي نفسك،

كف الاذى عن الطريق،

سلم و صبح و مسي علي كل باب و مدخل و انت داخل و خارج،

اعمل كل حاجه صح ... و بأدب و رقي و أخلاق ،

غير من نفسك اولا

علشان نتغير كلنا

علشان اخلاق الفتره اللي فاتت الجميله

تفضل عايشه جوانا

علشان نفضل أعظم شعب و خير جنود الله في الارض

(أرجوك انشرها - اطبعها و حطها في مدخل العماره - الاسانسير - ابعتها رساله لكل اصحابك...)