هههه شوفوا الجذب بين طالب وطالبة بالجامعة يحبون بعض و.... أشتغل الجذب هههههه

اكوو ولد وبنيه بالجامعه مرحله
اولا ومثل ما تعرفون يكون الاختلاط قليل في بداية السنه
يعني وره نص السنه ايصير اختلاط اكثر من بداية السنه
اكو اعجااااب من الطرفين والحجي ابيناتنه البنيه ملخت نفسهه عليه

يوم من الايام قوت علاقتهم واشتغل الجذب
هيه: اكلك شلون تقضي وقتك كل يوم ؟؟
هوه : والله يا عيوني اروح العب نيتوورك ويه اصدقاء ونشرب نركيله ونطلع نفتر مرات نروح نلعب حديد حسب اليوم شلون يصير
وانتي شلون تقضين يومج ؟؟
بعد طرحه للسؤال : بكلبه يكول ياربي لتورطني ويشتغل الجذب بعد شيخلصني
هيه : احم احم (اشتغل ماطور الجذب) اكعد الصبح اسبح (اي الحمد لله بعد انقطاع من ايام العيد السعيد) وراها اسشور شعري (قصدها توكف كدام البنكه)
ابدل وأطلع للجامعه (طبعا طفرت خطوات المكياج واعمال الصيانه)
من أرجع العب رياضه (تغسل مواعين)
وانام وأكعد بالليل اقره شويه (تسوي بروفات وعروضات ازياء علمود باجر عبالكم جاييها خطابه)
وهكذا
هوه : اي كلش حلو يومج حافل
هيه : اي كل إمراه بهذا المجتمع تعيشه (لاتعليق)
هوه : زين اكلج سمعت رايحه للحفله مال كاظم الساهر
هيه : اي طبعا ما افوت اغاني القيصر (قصدها ما افوت شعر خضير هادي)
اكيد رايحه هوايه (المسرح متعرف شنو ولا تندله)
هوه: اكلج اذا اكعد وياج واسببلج احراج خاف يطلع حجي عليج عود مكبله لو مخطوبه أكوم منا ما بيها شي ونبقى اصدقاء
هيه: لا عيني شكو بيها انت زميلي وأكثر من صديق (اي طبعا وين لاكيتها ولد يكعد يمج حتى لو يبيع لبلبي)
اني معليه بالناس دائما ما التفت للاشاعات (يبوووو هاي طلعت اليسا وما ادري)
هيه : اكلك عيني اجه ابويه بالجاغوار (بالكرونه) لازم اروح للبيت وينتظرني بباب الجامعه بيباي
هوه : اوكي عيوني باي (يبوووووو وج دروحي دا احس نفسي كاعد ويه مسيلمه الكذاب)

ههههههههههه
مشكور اخي احمد اسعدك الله دائما تقبل تحياتي