اسـتـحالــــــة
احتمالي (ع) الصمود
استحالة
والإحالة جوه دفتر الانهزام
واجبة جدا
فرض لازم إن أكون لك
جندي يخدم
جوه جيش الانكسار
البطولة كات مراهقة
جوه بحر كله ضلمة
موجه كدب
يغـطى شط بيتهلك
حمل كاذب
جوه بطن الأمنيات
صرخة باهتة
صرخة الخوف اللي طالع
من دواير الانصياع
النهاية في الطريق
ماشية فوق أشلاء
قصايد التمني والحنين
مفردات الانتماء
في القصيدة اختفت
يا حبيبة للأسف
ابن بطن الخوف خلاص
اعتزل دنيا التمني
والوصول للانتهاء
اعتزل حتى التنفس
من هواء الاحتمال
الرجوع معـناه
ولادة من جديد
التقدم مستحيل
والإعاقة كاملة