ديوان لسان الصمت..الأديب والكاتب المسرحي المصري.جمال فرح

بكت عيون الخطاوى اتغرق الأسفلت
هموم ياقلبى ياخاوى من حنان البنت
حبيبة تحبل قمر00 تولد مطــــر00
بإيد تجز الشرور00 وإيد تعز النبت
خلاص!

خالى الوفاض ياللى تسير من غير وداد
ولا ليها لازمة الحياة فى أى ركن ومَعاد
مادمت ماشى وحيد وجع الزمن بيزيـد
والشمعة مهما تقيد ملهاش ياعم ولاد
خلاص

انا مش سعيد لكن00 قلبى وديع
لاعمره يسقط ورق ولا يرد ربيع
ولايعلّى الموج ولا يطفى سهراية
ياعجوزياجوايا ماتيلا تبقى رضيع
خلاص!

تنزل دموعك00 أحفر خدودى لهــا
واحبس دموعى اللى ف كيانى كلها
واقولهّا استحملى وبعد دمعُه انزلى
وادعى لصاحبى يكون لدمعه منتهى
خلاص!

مفيـش أحلى من اللمّـــة
إحنــا وإنتــــوا وهمّـــــا
وحبّة شاى سبرتايــــــة
وضحكة م القلوب عامة
خلاص!

ياعيون نظرانى وكف حنان ممدود
ودموع علشانى تهز كيان جُلمــود
يبكى الصخر ويتألم الم الإنســـان
وانا يالإنسان بينى وبينى00حدود
خلاص!

قعد جنبك ولايعرفشى انك زاهــــد
وقعدت جنبه ما تعرفش انه جاحد
وانا اللى قعدت بين لتنين معرفتش
لا الزاهد ولا الجاحد ولا أى واحـد
خلاص!

وإلى لقـــــــاء قادم ورباعيات جديدةإن شاء الله تعالى00
دمتم فى خير وسلام

نملة قاعدة على القهــوة00 تشرب شـيشــة
فى عنيها دمعة محبوسة وف حلقها خيشــة
شافتها نملة صاحبتــهــا ومدّت إيدهـــــا00
الأولى مسحت دمعتها والتانية شدت الخيشة
خلاص!

على ضهر نمــلة تـُـورْ شَن حمــــلة
لما لقاها خاملة وجاهلة فى الإمـــلا
ف جيّـــة نمــلة تانيــة فكرها أعلى
مدّت ايديها لختها فانتهى ذل النملة
خلاص!

على ضهر نمـلة فيـــل ركــب واتغـَــر
حَدَف ف بُقُه النيل والنملة شاربةالمر
ف جيّة نملة مريضة بالحياة والسُــل
رفعت دراعها الفيل لمحهاداخ واتصر!
خلاص!

على ضهر نملة00 ديب ذكى عسكر
وقال هنا ملهى اتسلى انا00 واسكر
فى جية نمــلة تانيــة مُخّهــا أكبــر
قتلته ف ثانية بعد ما قعدت تفكـــر
خلاص!


شكراً لكم00 وإلى لقاء آخر ان شاء الله سبحانه وتعالى

أحبــك آه00 ولكن من بعيــــــد
واقول الآااااه وأقوى م الحديـــد
وصحيح بلقانى وسط الناس لكن
كمان بلقانى وسط الناس وحيـد
خلاص!

عينى على البنت اللى حبـّـت.. وماقالتش
وازاى يعيش الطير اللى اتسجن ف العش
بوحى ياللــى بتحــبى00 اوعــى تخبــى
داللى يحب ومايصرحش أخواللى بيغش
خلاص!


قعدت أدور عليه فى الشرق ثم الغــرب
مع انه مخلوق قديم من قبل أول حرب
إلا انى مش لاقيه إلا ف عيــون الصغار
واخاف لما يكبروا يموت فى الدنيا الحب
خلاص!

ياناس يالفـّين الحبال على الحيـــاه
ياناس ياحاطيّن الآمـــال على الجُناه
لاالحياه حتتخنق ولاالآامال حتتشنق
حتى لو بيتخلق فى كل يوم00طغــاه
خلاص!

///////////////

أخاف عليـــك من" لا"..بعــد الآوان
واخاف كمان من خوفك من السلطان
قولـْـــها ولو حتى الجبـــان يقـتلهـــا
لم تموت00 يموت مكانها كل جبان
خلاص!

////////////////

والى لقاء آخر بإذن الله تعالى00 أشكركم وأستودعكم الله00

ياليالــى زمـان ياسايبــانا لليالـــى الآن
الحــب بيهـجر جــوّانا ويروح لزمــان
وقلوبنا كمان صبحت كِنزة عايزة هزّة
تصحى وتصحصح جوّانا روح الإنسان
خلاص!

////////////////


مسكت دمعـة فـَرّة من عينــى اليمين
على فيـن يادمعـة فـرّة ورايحة لـمين
رايحـه للعيـن الشمـال اسأل سـؤال:
مين يقول انى وحدى امشى عالخدّين!
خلاص!

/////////////////






وإلى لقاء آخر ان شاء الله.. استودعكم الله

الصمــت قـال للكـلام اسكت خــلاص
والدين سحب م الدنيا مفتاح الخلاص
يانائمين استيقظوا فوقوا بقى وجهزوا
أوراق سفر طويل خطر بدون مناص
خلاص!


/////////////


مولود أنا وف مخى بعض شـؤون
نفسى يامضلّمة ياسترة عالمكنون
ليــه أنا من بطن الحيــاة خــارج
وليـه انا فى بطن الحيــاة مدفون
خلاص!


///////////





(شكرا للمتابعة00 وإلى لقـــاء آخر ان شـــاء الله تعالـــى)

(إليكى سيدتى أهدى هذه الرباعية00علّها تُرضي روعتك)


أوراق شجر وربيع بيبحث عن مكان
وهلال قمر بيقول لنـور النفس بان
ونشيد مطر بيهز فى الأرض الخطر
تحرم عليك الحياة ياللى مش قلقان

خلاص!



أوراق شجر وخريف بيزحف نحوها
بيقـول قدر آجــى وآخـد عمرهـــا
بيقـول كمـان السر فى الإنسـان
لو يبتغى عمر الخريف مايروحلها

خلاص!



وقدرت اصالح الأمـل واليـأس
وقدرت اصالح الوَهَنْ والبأس
صالحت كل المختلفيـــــــــــن
ما قدرت اصالح الزمن والنفس

خلاص!





وإلى لقاء آخر ان شاء الله 00 ان كان فى العمر بقية00 استودعكم الله

مشكور استاذ احمد الهاشمي لاغناءنا بهذه الكلمات

تحياتي وتقديري