حأقول ...... نعم
بقلم / أمانى صلاح الدين
حنتقابل كلنا وحنقول كلمة حق
وياريت نتفق على نعم وننسى كلمة لأ
صوتك بقه أمانة لازم تأديها
والمركب دفتها فى ايدينا نعديها
الأمريكان قالوا حنقلل المعونة
لو قلنا نعم آل يعنى بيذلونا
رزقنا مش عليكم ولا احنا مستنيين
حسنة قليلة منكوا لو حتى مش لاقيين
أكيد لهم فى الرفض 100 مصلحة
واحنا شعب واعى وعيونه مصحصحة
راح أقول نعم وألبى ندا بلدى
عشان اخويا واختى وبنتى وولدى
راح أقول نعم وضميرى كده مرتاح
علشان الليل يولى ويطلع الصباح