ابويه أبويه بطل شامخ رغم الظروف -- اهداء الى والدي وابي

أبويه بطل شامخ رغم الظروف
أبويه ابوكت الحصار ربانه
أبويه خيمه وشمعه البيت
وبليالي البرد هوه دفانه
أبويه شجاعه وغيره وأخلاص
ورجوله وشهامه بهاي دنيانه
أبويه متعلم يوزن الأمور
واذا مالت كفه بيده ساوانه
واحنه عالأبو ما عدنه اعتراض
ويبقى النه الفخر أبونه سمانه
وابوسط الكلب بانيله تمثال
وقفلنا للكلب سدينه بيبانه
أبويه مفخره وتاج الراس
وعند المرض أبويه داوانه
أبويه مثل البدر ينطينه نور
وحجي الموزون يحجي لسانه
أبويه مثل الدمه يمشي بالشريان
ونحتاجه نفس بشمه هوانه
أبويه مثل الجبل متهزه ريح
وبكل شده التمر تلكاه ويانه
أبويه كضه العمر صوم وصلاه
ويوميه الصبح يقره قرآنه
أبويه ابكل عيد حضرله عيديات
واحنه من أنام يخليهه جوانه
أبويه لوما الباري يمكن عبدنا
لأن اله الفضل بالدنيه علانه
أبويه اشكد حلو لو يكمش كتاب
وكلنه ابفد نفس نقره دعانه

الف تحية لوالدي الذي علمني دوما معنى الحب والاخلاص في العمل انه المربي الفاضل الذي لا يكل ولا يمل في الدعوه الى الله رغم ما حاول المتربصون النيل ومحو ملامحه الا ان عين الله ابت الا ان تحرس ابي والحمد لله والشكر على نعمة الايمان ونعمة الاسلام

لا تنسونا من خالص الدعاء اخوكم خالد الهيتي
ابن الانبار البار

الله يبارك فيك خالد وربي يحفظ والدك ويحفظك ربي لاهلم

تحياااااااااااااتي ومحبتي لاهلنة في الانبار الغالية